Gló Höf. 

Vegan Piparkökur – uppskrift


Mikil stemning er í kringum piparkökubakstur á aðventunni, enda tilvalin fjölskyldustund að skera út allskyns skemmtileg form og fígúrur í piparkökudeig. Hér höfum við góða uppskrift frá HIMNESKT að piparkökum úr lífrænt ræktuðu hráefni og grófu mjöli í bland við fínna. Kökurnar eru ekki jafn sætar og piparkökur úr búðinni og uppskriftin er vegan.

Piparkökur (stór uppskrift)

  • 150 ml kókosmjólk eða önnur jurtamjólk
  • 1 ¾ dl kókosolía (mjúk en ekki fljótandi)
  • 2 dl hlynsíróp eða önnur fljótandi sæta
  • 3 dl kókospálmasykur  
  • 750g spelt – fínt og gróft til helminga
  • 4 tsk engiferskot (eða engiferduft)
  • 2-3 tsk kanill (mælum með Ceylon kanil) 
  • ½ tsk negull 
  • ½ tsk matarsódi

AÐFERÐ:

Setjið kókosmjólk, kókosolíu, hlynsíróp og kókospálmasykur í hrærivél og hrærið saman.

Blandið saman spelti, matarsóda og kryddi og setjið út í ásamt engiferskoti og leyfið hrærivélinni að klára að hnoða deigið.

Vefjið deiginu inn í plastfilmu og látið inn í kæli til að stífna í u.þ.b 20 mín. (Deigið geymist í viku í kæli. Ef þið hafið geymt deigið til síðari nota í kæli er gott að taka þann hluta deigsins sem á að nota tímanlega úr kælinum og leyfa því að standa við stofuhita í smá stund til að mýkjast aðeins, þá verður auðveldara að fletja það út).

Fletjið deigið þunnt út og skerið út piparkökur með uppáhalds formunum ykkar. (Kökurnar heppnast betur þunnar).

Bakið við 200°C (ekki blástur) í 5-8 mín. Bökunartíminn fer eftir þykktinni á kökunum, þykkari kökur þurfa örlítið lengri tíma en þunnar. Fylgist vel með.

Gott er að láta kökurnar kólna alveg áður en settar í box.

Verði ykkur að góðu!

Gló
Gló
Um höfund

Gló opnaði fyrsta veitingastaðinn árið 2007 í Listhúsinu. Í dag rekur Gló fjóra veitingastaði og heilsuverslun í Fákafeni. Solla Eiríks er matarhönnuður Gló og frumkvöðull í íslensku hollustufæði. Gló leitast eftir því að búa til mat sem hjálpar viðskiptavinum sínum að verða besta útgáfan sjálfum sér. Finndu þitt Gló!

Þú gætir einnig haft áhuga á þessu

Screen Shot 2017-12-08 at 22.14.49
Allt í verslun nú á 60% afslætti!
08. desember, 2017
IMG_2220-1170x1170
Nærandi bleikur þeytingur
28. október, 2017
Young barley and chlorella spirulina. Detox superfood.
HVAÐ ER:: Chlorella
23. október, 2017
pacifica111
VEGAN: Okkar uppáhald frá Pacifica!
23. október, 2017
brunchvegan
Loksins vegan brunch!
10. september, 2017
ispinni
Vegan Bláberjaíspinni
10. ágúst, 2017
verslo
GLÓandi Versló
03. ágúst, 2017
Próteinríkur smoothie
24. júlí, 2017
glókorn
KÓKOSKÚLUR – UPPSKRIFT
26. júní, 2017

Skildu eftir athugasemd

Netfangið þitt verður ekki birt.