Höf. 

Ertu að sofa nóg?


Talið er að þriðjungur Íslendinga sofi í 6 tíma eða minna og þjáist af að einhvers konar svefnvandamálum. Þeir sem sofa of lítið eru líklegri til þess að finna fyrir ýmsum kvillum, þeir fá frekar flensur, óútskýrða þyngdaraukningu og of háan blóðþrýsting svo eitthvað sé nefnt. Að auki hefur svefnleysi sérstaklega slæm áhrif á andlega líðan og getur valdið því að þú gleymir fleiru og finnir fyrir þunglyndi og kvíða.

Rannsóknir hafa einnig sýnt að konur eru líklegri til að þjást af svefnleysi en karlmenn vegna hormónabreytinga og meira en 60% kvenna þjáist af svefnvandamálum á einhverjum tímapunkti!

Hvenær vaknaðir þú síðast orkumikil/l, endurnærð/ur og til í daginn? Liggur þú andvaka fram á nótt með höfuðið fullt af áhyggjum eða gremju?

Áður en þú grípur til lyfja og skyndilausna reyndu fyrst að gera breytingar á lífstílnum sem gætu hjálpað til við svefninn. Það mikilvægasta er að setja svefninn í forgang. Svefninn er eitt það besta sem þú getur gert fyrir heilsuna og á því heima ofarlega á forgangslistanum. Ef þú ert að fá góðan svefn þá ertu betur í stakk búin til að sinni daglegum skyldum og ná lengra á þínu sviði. En þetta snýst svo einnig um jafnvægi því of mikill svefn getur einnig haft vandræði í för með sér. Hér eru nokkur náttúruleg ráð sem geta minnkað líkurnar á svefnleysi:

KAMILLA

Kannski hefur þú heyrt þetta ráð svo oft að þú heldur að þetta sé bara úrelt húsráð sem virkar ekki. En kamilla hefur enn á sér frábært orðspor gegn kvíða, stressi og svefnleysi. Gott ráð er að drekka ekki koffín eftir kvöldmat heldur hella sér frekar upp á rjúkandi bolla af kamillutei.

ANDAÐU DJÚPT

Það getur verið áskorun að slökkva á huganum þegar það er tími til þess að sofna. Með því að breyta önduninni er auðveldara að breyta farveg hugsanna. Þetta getur verið hjálplegt þegar hugurinn er með áhyggjur að framtíðinni. Einföld öndunartækni getur hjálpa þér að róa taugarnar og undirbúa líkamann fyrir hvíld. Gott er að anda rólega inn og út um nefið og gera útöndunina aðeins lengri en innöndun. Liggðu í rúminu í 5 mínútur og gerðu öndunaræfingar til að slaka á eftir daginn.

MJÚKT JÓGA

Oft er líkaminn þreyttur að kvöldi til en er ennþá spenntur og stífur daginn. Nokkrar einfaldar jógastöður að kvöldi geta hjálpað þér að slakað á líkamanum og ná jarðtengingu. Ein af bestu æfingunum eftir langan vinnudag er að setja fæturnar upp við vegg á meðan búkurinn liggur á gólfinu. Þessi staða hjálpar meltingunni, bakverkjum og er góð fyrir þreytta fætur. Reyndu að halda henni í 5 mínútur og anda rólega á meðan inn og út um nefið.

FISKIOLÍA

Verður þú oft þreytt/ur um miðjan daginn og ferð að þrá kaffi eða sykur til þess að gefa þér auka orku? Fitusýrurnar í fiskiolíu geta hjálpa til við að minnka „noreponephrine“ sem er streituhormón. Ef þetta hormón er úr jafnvægi getur það orðið til þess að þú sofir illa og finnir fyrir þreytu seinnipartinn. Vönduð fiskiolía getur þannig hjálpað til við svefn og gefið heilanum orku.

MAGNESÍUM

Er frábært steinefni sem er þekkt fyrir að hjálpa til við slökun og svefn. Frumurnar þínar þurfa magnesíum til þess að búa til orku, mýkja vöðvana og róa hugann á kvöldin. Ráðlagður dagskammtur er 300mg en flestir fá minna en 200 mg á dag úr fæðunni. Vertu viss um að þú sért að borða nóg af dökkgrænu grænmeti, hnetum og sjávarþangi. Ef þú ætlar að taka inn magnesíum vertu viss að það innihaldi einnig kalk.

VALERIAN RÓT

Valerian er sterk rót sem hefur verið notuð öldum saman til þess að hjálpa til við svefnleysi. Hún er bitur á bragðið en sögð vinna vel gegn kvíða og svefnvandamálum. Best er að taka hana inn sem bætiefni fyrir svefninn. Fæst í Fákafeni

VAKNAÐU Á SAMA TÍMA ALLA DAGA

Einföld leið til þess að koma svefnvenjum í gott horf er að vakna alla morgna á sama tíma, líka um helgar. Þetta getur verið erfitt í byrjun en þetta hjálpar til við að stilla af þína innri klukku, svo að þú náir að sofna snemma á kvöldin.

FYLGSTU MEÐ TÍÐARHRINGNUM ÞÍNUM

Flestar konur missa úr svefni rétt áður en þær byrja á blæðingum. Vandamál sem konur finna í kringum þennan tíma hafa einnig verið tengd við svefnleysi. Þess vegna er mikilvægt þessa daga mánaðarins að ná næga hvíld og fara í heit böð á kvöldin til að slaka á eftir daginn.

  • 13. nóvember, 2015
  • 0
Dagný Berglind Gísladóttir
Um höfund

Dagný er ritstýra tímaritsins Í boði náttúrunnar og vefstjóri Gló. Hún er með BA gráðu í ritlist og listfræði og MA í Hagnýtri ritstjórn og útgáfu frá Háskóla Íslands. Hún er mikið náttúrubarn, lærður jógakennari, í merki vatnsberans með ástríðu fyrir listum og heilsu.

Þú gætir einnig haft áhuga á þessu

Hvað er hláturjóga?
04. maí, 2017
Djúsað frá morgni til kvölds
01. febrúar, 2017
Glóandi jólagjafahugmyndir
19. desember, 2016
DIY – Namastei Sprei
05. desember, 2016
GLÓARINN: EVA DÖGG
30. nóvember, 2016
Jógaiðkun – heima í stofu
19. september, 2016
DIY – Rósir og kamilla
22. júlí, 2016
Heima í stofu: Morgunjóga
07. apríl, 2016
FASTAKÚNNINN: Sölvi Tryggvason
26. janúar, 2016